Nektarmynd af ...

 

Hvað getur orðblind kona gefið einum ríkasta manni í heimi?

Jú, Dorrit Moussaieff frá Bessestad gefur Stephen Schwarzman forstjóra mynd af konu hans, Christine, sem er meðalútþurkuð blondína á besta aldri. Það er ekki nein venjuleg mynd, heldur nektarmynd af frúnni, búin til úr húðlituðum (flesklituðum) snifsum úr Financial Times.

Listamaðurinn sem var svo frumlegur að byrja á því uppátæki, að rífa Financial Times tætlur í stað þess að lesa það, græðir á tá og fingri á þessu föndri sínu. Hún heitir Natasha Archdale og er mjög sæt, en myndirnar hennar eru ekki mikil list eða (lyst).

 

 

Natasha viðskiptablaðalistamaður í London

Kannski var það ekki svo óviðeigandi hjá forsetafrúnni okkar að gefa svona mynd einum ríkasta manni í heimi, svona rétt til að minna á að íslenskt viðskiptalíf er frekar nakið um þessar mundir.

Enn ein spurning vaknar: náði Dorrit ekki í myndina af sjálfri sér sem hún ætlaði að gefa Ólafi? (Sjá hér að ofan). Natasha er með hana til sýnis á vefsíðu sinni.

Nú krulla ég saman síðasta Viðskiptablaðinu og gef konu minni nektarmynd af sjálfum mér. Hún verður himinlifandi. Að minnsta kosti er liturinn réttur, en það eru ekki eins margar háar tölur í mér eins og í Viðskiptablaðinu. I am broke and not a broker.

Have I seen this hat before, darling?

Athugasemdir

[Sigurður Þór Guðjónsson, 24.6.2008 kl. 20:15]

Klámið á þessari síðu alltaf hreint!

[Aðalbjörn Leifsson, 24.6.2008 kl. 22:16]

Af hverju ekki að gefa spegil?

[Vilhjálmur Örn Vilhjálmsson, 25.6.2008 kl. 04:32]

Sigurður, klámið er royalt en loyalt. Hvað hefði fólk sagt ef Ólafur hefði látið klippa Mússu út úr Mogganum eða, hugsaður þér, Þjóðviljanum?

[Vilhjálmur Örn Vilhjálmsson, 25.6.2008 kl. 15:42]

Ég sé hér að Vísir.is hefur líka þá skoðun í dag, að myndin sem ég birti í gær sé lík Dorrit. Gott að fá þetta staðfest. http://www.visir.is/article/20080625/LIFID01/62097231

[Kristján Sveinsson (IP-tala skráð) 25.6.2008 kl. 19:08]

Nektarmynd! Vitleysa er þetta. Hún sem er með hatt og hanska. Næstum því fullklædd. Ja, allavega skjóllegri til fara en nöktu bankastjórarnir núna í sumarblíðunni. Þeir standa bara uppvið staur. Og enginn aur.

Pax.

[Vilhjálmur Örn Vilhjálmsson, 26.6.2008 kl. 05:33]

Pax nobiscum, ef allir eru staur og brók. 

Kannski er þessi "hálfgerða" berrössun í list fyrirmenna eitthvað svipað fyrirbæri og þegar málarar í Niðurlöndum fóru að mála meira eða minna nakta kroppa í kjölfar túlípanamaníunnar? 

Túlípanamanían var reyndar mjög svipað fyrirbæri og íslenska efnahagsbyltingin á síðustu árum. Charles MacKay skrifaði þegar árið 1841 ágæta bók Extraordinary Popular Delusions and the Madness of Crowds um efnið, sem ætti að kenna í íslenskum menntaskólum. Ef MacKay hefði lifað í dag hefði hann haft nasisma, kommúnisma og íslamisma með í bók sinni.

Sagnfræðingur gæti nú tekið sér fyrir verðugt verkefni. Decoding DeCode and other Icelandic Delusions of the 21th Century.